West PH Sea 60/40 hatian

MANILA, Philippines — Katanggap-tanggap para kay Senate President Vicente Sotto III ang hatiang 60/40 sa makukuhang langis sa West Philippine Sea kung saan 60 porsiyento ang mapupunta sa Pilipinas at 40% ang sa China.

Naniniwala si Sotto na panahon na para magkaroon ng “joint exploration” sa West Philippine Sea upang malaman kung ano ang makukuha dito na hindi naman ito kayang gawing mag-isa ng Pilipinas.

Imposible rin aniyang may langis na nakakuha sa ibang bansa sa Asia pero wala sa Pilipinas kaya mas mabuting malaman na kung ano ang nasa ilalim ng WPS.

“As a matter of fact, it is about time sapagkat hindi naman natin kaya on our own pero napakatagal ng panahon niyang yung kabuuan ng Asia, bakit lahat ng mga kapitbahay nating mga bansa, ay merong langis? Imposible namang magbato ang Panginoong Diyos ng langis sa Asia, Pilipinas lang ang iniwasan. Impossible, kaya tiyak na meron. Ngayon ang problema, hindi natin kayang mag-isa,” sabi ni Sotto.

Naniniwala rin si Sotto na positibo ang naging pag-uusap nina Duterte at Xi tungkol sa joint exploration.

Nilinaw ni Sotto na wala pang detalye ang Memorandum of Understanding kaya hindi ito dapat husgahan kaagad ng mga nagsasabing ipinamimigay na ng gobyerno ang teritoryong pag-aari ng bansa.

Naniniwala rin si Sotto na kung matutuloy ang 60/40 na hatian, ipinahihiwatig nito na kinikilala ng China na pag-aari ng Pilipinas ang WPS.

Read More

Mga kongresista tuloy pa rin ang paggamit ng 'plakang 8'

MANILA, Philippines — Nanindigan si House Speaker Gloria Arroyo sa kanyang kautusan na bawiin ang protocol plate number na otso ng mga kongresista.

Ginawa ni Arroyo ang kautusan matapos makita ang sasakyan ng ilang kongresista na gumagamit pa rin ng plakang otso.

Sinabi ni Arroyo na opisyal ang kanyang kautusan para sa recall ng protocol plates na binasa sa plenaryo noong Miyerkules.

Ipinauubaya naman ng Speaker sa Secretary General ng Kamara ang pag-imbentaryo ng mga na-issue na protocol plates sa mga naging kongresista hanggang noong 16th Congress.

Bahala na rin umano ang House Secretary General kung ano ang nararapat na hakbang ng Kamara laban sa mga kongresista na hindi magsasauli ng protocol plate.

Kahapon naman sa Sandiganbayan, ay naka-otso na plaka pa rin ang ginamit na coaster ng pamilya ni Ilocos Norte Rep. Imelda Marcos.

Bukod dito mayroon pa rin pumapasok sa Batasan complex na isang puting Land Cruiser gamit pa rin ang protocol plate.

Read More

Duterte: Opposes 'military drills' in South China Sea

MANILA, Philippines — Claiming that it would only create tension among claimants states, President Rodrigo Duterte declared that he is not in favor of military drills in the disputed South China Sea, part of which is the West Philippine Sea.

Speaking to reporters in Singapore, Duterte warned the United States against creating "friction" that could "turn things wrong."

The US Navy has been conducting patrols in the South China Sea as part of its freedom of navigation operations in the region. China has been hostile toward Washington's activities, accusing the latter of violating their sovereignty and infringing security.

"I said China is already in possession. It's now in their hands so why do you have to create frictions... military activity that will prompt a response to China," Duterte said.

Duterte added that he does not mind if other countries would engage in war as long as the Philippines will not be involved.

"The Philippines is just beside those islands and if there's a shooting there, my country will be first to suffer. That is my only national interest there, nothing else," the president said.

Beijing has installed surface-to-air missiles, anti-cruise ship missiles and electronic jamming equipment on its artificial islands in the Spratly group, which are also being claimed by the Philippines.

The president made these remarks a month after the Philippines participated in a China-led maritime exercise with other Southeast Asian countries in the South China Sea.

China proposed the joint maritime exercises with the Association of Southeast Asian Nations to "build trust, confidence," according to Singapore Defense Minister Ng Eng Hen.

Duterte appears to echo China's rhetoric against the US military's activities in the region when Beijing itself has been conducting naval drills in the area.

Washington has been consistent on its position that it "will fly, sail and operate wherever international law permits."

US National Security Advisor John Bolton earlier said that the US Navy is increasing its patrols in the South China Sea and is prepared to build up its capabilities. The Chinese navy surpasses the resources of the Philippines, Vietnam and other Southeast Asian countries which also have claims in the disputed waterway.

Read More

Digong aprub ang pagsuspinde sa 'excise tax'

MANILA, Philippines — Inaprubahan na ni Pa­ngulong Duterte ang pagsuspinde ng excise tax sa oil sa ilalim ng TRAIN Law.

Inanunsiyo kahapon ni Budget Sec. Benjamin Diokno na nakatanggap na siya ng memorandum mula kay Executive Secretary Salvador Medialdea na nagsasaad na aprubado na ng Pangulo ang suspension ng excise tax on oil mula Enero 2019.

Magugunita na inirekomenda ng economic managers kay Pangulong Duterte na suspendihin ang P2 excise tax sa la­ngis sa susunod na taon.

Ayon kay Diokno, iti­nuloy nila ang rekomendasyong ito kahit pa inaasahan nilang may ibababa pa sa presyo ng langis sa international market sa hinaharap o sa mga susunod na buwan.

Paliwanag pa ni Diok­no, magandang balita ito dahil makatutulong para maiwasang sumirit pa pataas ang presyo ng mga bilihin.

Hindi naman masabi ni Diokno kung hanggang kailan iiral ang suspension ng dagdag na P2 excise tax sa langis dahil depende ito sa lagay ng magiging presyuhan ng langis sa world market at pag-aaralan muli ng economic managers ang sitwasyon. Ito ay malaking tulong para sa mga konsumedor kung saan nadagdagan ang kanilang badyet para sa gasolina.

Read More

Singapore investors interasado sa Pinas

MANILA, Philippines — Ipinagmalaki ng embahada ng Pilipinas sa Singapore na mataas ang interes ng mga Singaporean investors na maglagak ng kanilang puhunan sa Pilipinas.

Sinabi ni Philippine Ambassador to Singapore Joseph del Mar Yap, sa katunayan ay bumuo pa ang mga Singaporean businessmen ng tatlong delegasyong tutungo ng Pilipinas para pag-aralan ang iba’t ibang investment opportunities.

Ayon kay Amb. Yap, nais samantalahin ng Singaporean businessmen ang malakas na consumer market na nakita sa hanay ng middle class.

Patuloy rin umano ang pagpalo ng gross domestic product (GDP) sa higit sa anim na porsyento at target pang mapataas ito.

Read More