BOC pangasiwaan ng Military

MANILA, Philippines — Inutos ni Pangulong Duterte sa Armed Forces of the Philippines (AFP) na pansamantalang pamunuan ang Bureau of Customs (BOC) sa gitna ng isyung bilyung-bilyong pisong halaga ng hinihinalang shabu ang naipuslit umano sa bansa.

Binitawan ni Duterte ang pahayag noong Linggo sa talumpati niya sa pagdiriwang ng kaarawan ni dating Foreign Affairs secretary Alan Peter Cayetano sa Davao City, ilang araw matapos din niyang italagang pinuno ng Customs ang isang dating hepe ng militar.

“It will be a takeover of the Armed Forces in the matter of operating, in the meantime, while we are sorting out how to effectively meet the challenges of corruption in this country,” sabi ni Duterte.

Ipinag-utos ni Duterte noong Huwebes ang pag­lipat kay dating Customs Commissioner Isidro Lapeña sa Technical Education and Skills Development Authority (TESDA) at pagtatalaga kay dating AFP chief of staff Rey Leonardo Guerrero bilang bagong pinuno ng BOC.

Ayon kay Duterte, gusto niyang magtalaga pa ng mga sundalo sa BOC si Guerrero. Gusto rin ni Duterte na mga sundalo ang nasa X-ray division unit na sisilip sa mga container na pumapasok sa bansa sakaling naglalaman ang mga ito ng mga kontrabandong gaya ng ilegal na droga.

Isinailalim niya rin sa “floating status” ang karamihan sa mga tauhan ng Customs dahil dawit daw ang marami sa kanila sa mga kaso ng katiwalian.

“The Coast Guard will take care, all Customs police are also on floating status. Everybody,” sabi ni Duterte.

“Almost all of them there have been, in one way or the other, been charged of corruption. Lahat sila may kaso. And yet we cannot just move on because you want to be lawfully correct. So dahan-dahan lang tayo,” anang Pangulo.

“But with this kind of games they are playing, dirty games, I am forced now to ask the armed for­ces to takeover.”

Nangyari ang pagbalasa ng mga tauhan sa Customs matapos matagpuan noong Nobyembre sa Cavite ang apat na magnetic lifters na hinihinalang naglalaman ng shabu.

Read More

Sen. Win gustong pakasalan si Bela?

Larawan ni Bela Padilla

Makapagpapakilala sa dalawa may malaking pabuya?

Tulung-tulong daw ang mga close friend ni Sen. Sherwin Gatchalian sa paghanap ng tamang babaeng mapapangasawa niya.

Nakausap kasi namin si Atty. Ferdie Topacio sa radio program namin sa DZRH at nabanggit niyang gusto na raw ng naturang senador na mag-settle down.

Close kasi si Atty. Topacio sa pamilya Gatchalian dahil isa siya sa legal team ng ama ng senador na si Mr. William Gatchalian.

Napapag-usapan daw nila minsan na tila interesado si Sen. Gatchalian kay Bela Padilla. Kaya inaayos daw nilang magkakilala ang dalawa.

Saad ni Atty. Topacio; “Ang problema kasi ni Sen. Win eh gusto na niya mag-asawa at si Bela nga ang gusto niyang makilala. Wala namang mahanap na pagkakataon.

“Baka naman kayo makagawa ng pa­raan na magkakilala sila. Magbibigay ako ng pabuya na trip to Hongkong pag napakilala nyo si Bela kay Sen. Win Gatchalian.”

Sinundan namin ng tanong si Atty. Topacio kung paano nga ba nagkainteres si Sen. Gatchalian kay Bela?

“According sa aking kaibigan, si Bela…she topped among the rest pagdating sa mga artista.

“She is not only lovely, but she is talented and she is intelligent.

“Di ba gumagawa siya ng sariling script di ba? Nagpu-produce pa ng sariling pelikula.

“Ibang klase talaga si Bela. Hindi lamang maganda, matalino pa.

 “Ikararangal ng isang senador, o kahit na sinong lalaki for that matter na kung maging kasama niya sa buhay ay si Bela Padilla,” pahayag ng kilalang abugado.

Binanggit uli ni Atty. Topacio na seryoso siya sa offer niyang iyun na magbibigay siya ng trip to Hongkong with free accommodation, at pocket money sa kung sino man daw ang magpapakilala kay Sen. Gatchalian sa kilalang aktres.

Read More

Tito, Vic at Joey dapat tularan ni Willie

MANILA, Philippines: Isang bagay na lagi kong pinupuri ay iyon tatag ng Eat Bulaga. Imagine 40 years na sila Tito, Vic, Joey ang haligi, napapalitan lang mga nasa paligid pero hanggang ngayon ayan pa rin sila. Kasi nga alam ng tatlo mag-delegate ng trabaho, basta darating lang sila sa studio as hosts at may kanya-kanyang trabaho ang mga tao. Kaya wala silang stress, bihirang uminit ang ulo at hindi napi-pressure. Nagbibigay sila ng mga ideas na puwedeng gawin kaya smooth lahat at si Papa Tony Tuviera lang ang head sa lahat.

Hindi siguro ito puwedeng mangyari kung host ka na producer ka pa at lahat hands on at pakikialaman mo. It will have a toll on your health at sa pakikisama mo sa tao at mga direct staff mo. Makikita mo iyan sa mukha at katawan ni Willie Revillame, pagod na pagod, madalas maysakit kasi nga sa kanya lahat ang trabaho, siya ang direktang umiisip ng lahat kaya physically bumibigay ang katawan niya.

Sana kung host lang siya, sana producer lang siya, pero lahat trabaho niya. Kung gusto ni Willie na magtagal hindi lang iyon programa pati katawan niya dapat may mga tao na siya bahala sa lahat. Iyon na lang pagiging host niya ang alagaan niya. Mahirap ang maging master of all dahil health mo magsa-suffer.

Enjoy your place Willie, take time to smell the flowers. Huwag subsob sa trabaho. Tingnan mo sila Tito, Vic, Joey, mukhang young, feeling young, kasi relax ayaw pa-stress. Kahit si papa Tony Tuviera relax relax din. Ganyan gawin mo! 

Read More

Digong: Napilitan lang sila kahit ayaw ko...

MANILA, Philippines – Ayaw ni Pangulong Duterte ng political dynasty subalit napilitan lamang ang kanyang pamilya na tumakbo sa mga posisyon dahil sa mismong taga-Davao City ang may gusto nito.

“So ayaw ko ng dynasty but we are forced. At saka magtanong ka, punta kayo ng Davao. You conduct a survey. Itong mga interesado na dynasty, dynasty eh ‘di pumunta kayo na sa tao,” paliwanag pa ni Pa­ngulong Duterte sa kanyang mensahe sa Philippine Business Conference and Expo kamakalawa ng gabi.

“Tanungin mo ang tao, dito tanungin mo. It’s still political families. Because sabihin naman ng mga barangay captain, “ah ayaw namin ‘yan”. Ah hindi na magkakampanya ‘yan kung ayaw nila. At saka usually ‘pag naumpisahan ng isa, tuloy-tuloy na ‘yan kasi hingiin ng mga tao na ‘yan. So that’s politics,” dagdag pa ni Pangulong Duterte.

Ginawa ng Pangulo ang pahayag matapos magsumite ng kanilang certificate of candidacies ang kanyang mga anak sa Davao City na sina incumbent Mayor Sara Duterte para sa re-election, si resigned Vice-Mayor Paolo Duterte na tatakbong kongresista at si Baste Duterte na magiging runningmate ni Mayor Sara.

“Ngayon, tatakbong congressman si Pulong sa first district ni Nograles. Eh ‘yung kapatid naman, ewan ko kung anong bakukang na napasok kay Inday, pinilit niya itong ano ngayon bunso, si Sebastian. Walang ginawa ‘yan sa buhay. Mabuti meron na siguro kung i-vice mayor niya,” dagdag pa ni Pangulo.

Read More

Jeep pasahe P10 simula sa Nov

MANILA, Philippines — Epektibo pagpasok ng buwan ng Nobyembre ng taong ito ay P10 na ang singil sa minimum na pasahe sa mga pampasaherong jeep mula sa dating P8 minimum fare para sa unang apat na kilometrong takbo ng sasakyan.

Ito ay makaraang ap­ru­bahan ng Land Transportation Franchising and Regulatory Board  ang fare hike petition ng mga transport group na FEJODAP, ACTO, ALTODAP, LTOP at Pasang Masda.

Binigyang-bigat ng LTFRB sa kanilang desisyon ang rason  ng naturang mga transport groups na matindi na ang epekto sa kanila ng patuloy na pagtaas ng presyo ng petroleum products  at presyo ng mga bilihin at spare parts kaya napapanahon  na anila ang bagong dagdag sa pasahe.

Hindi naman naapru­bahan ang hiling ng mga itong dagdag na P2 na taas sa singil sa succee­ding kilometer dahil sa kawalan ng basehan.

Ang fare hike ay  nilagdaan ni LTFRB Chairman Martin Delgra at board members Ronaldo Corpuz  at Aileen Lizada.

Makaraan ang 15 araw makaraang mai-publish sa mga pahayagan  ang kautusan ay saka pa lamang magiging epektibo ang fare hike  na papatak ng November 1.

Magugunitang noong Hulyo ay inaprubahan ng LTFRB ang P1 na provisional increase o pansamantalang dagdag sa minimum na pasahe. Dahil doon, pansamantalang naging P9 ang minimum na pasahe sa jeep.

Pero dahil sa bagong desisyon ng LTFRB, wala nang bisa ang provisional increase, kaya sa halip na P11, P10 ang minimum na pasahe.

Read More

Harry umupak kay Digong

MANILA, Philippines — Itinuring ni dating Presidential spokesman Harry Roque na isa sa hindi tamang ginawa ni Pa­ngulong Rodrigo Duterte ay ang paghalik nito sa isang babaeng overseas Filipino worker sa South Korea.

Sinabi ito ni Roque sa Gandang Gabi Vice program ni Vice Ganda sa ABS-CBN kamakalawa ng gabi.

Tinanong kasi ni Vice Ganda si Roque, kung sa tingin nito, ano ang ‘inappropriate’ na nagawa ng Pangulo at tahasang sinabi ng dating presidential spokesman na ang paghalik ng lips to lips ni Pangulong Duterte sa isang OFW sa South Korea.

“Patay na ako,” wika pa raw ni Roque noong mangyari ang kissing incident sa OFW sa South Korea.

Nang tinanong si Ro­que kung bakit dine­pen­sahan pa niya noon si Pangulong Duterte sa nangyaring kissing incident at ang naging sagot nito ay dahil trabaho niyang ipagtanggol ang pangulo.

“Naniniwala akong ang pagsisilbi sa mga kababayan ay sa pamamagitan ng pagsisilbi sa president na kinabibilangan ng pagtatanggol sa kanya kapag may nagawa siyang mali,” paliwanag ni Roque.

Samantala, kahapon sa pagharap sa huling pagkakataon ni Roque sa Malacañang reporters ay sinabi nitong nagsabi lamang siya ng totoo niyang opinion nang tanungin siya ni Vice Ganda sa kanyang pananaw kung may ‘inappropriate’ na nagawa si Pangulong Duterte.

Ayon pa kay Roque, sa kanyang palagay, sumobra na iyong halikan na isang bagay na naobserbahan din ni (Davao City) Mayor Sara (Duterte) at gayundin ng iba.

Samantala, inihayag din ni Roque na hindi siya tatakbo bilang senador kundi mas pinili niyang tumakbo bilang partylist representative.

Sinabi ni Roque sa media briefing sa Malacañang na matapos silang mag-usap ni Pangulong Rodrigo Duterte ay pinayuhan siya na huwag ituloy ang pagtakbong senador na kanya namang susundin.

Aniya, tatakbo siya bi­lang 1st nominee ng Luntinang Pilipinas Partylist at nakatakdang maghain ng certificate of candidacy sa Commission on Elections (Comelec) kung saan ang 2ndnominee ay si Ciarra Sotto.

Read More